Respýblıka saraıynda 10 jeltoqsan kúni Almaty qalasy ákimdiginiń bastamasymen astananyń qalyptasýy men damýyna úles qosqan laýreattardy «Astana – Ardaǵym merekelik syılyǵymen marapttaý rásimi ótedi.

«Astana – Ardaǵym»  merekelik syılyǵymen Almaty qalasynda turǵan ári týylǵan jáne Astananyń qalyptasýyna aıtarlyqtaı úles qosqan, Prezıdenttiń astanany kóshirý týraly sheshimine barynsha qoldaý kórsetken qaıratkerler marapattalady.

Almaty qalasynyń  Mádenıet basqarmasy habarlaǵandaı, «Astana – Ardaǵym» syılyǵy 20 kategorıa boıynsha beriledi, olar - bilim men ǵylym, sáýlet pen qurylys, densaýlyq saqtaý, sport, óner, kınematografıa, jýrnalısıka  jáne  ádebıet salalary.

«Búgingi kúni  Almaty qarjy jáne ekonomıkalyq  magnıt retinde elimizdiń saıası ortalyǵy – Astanany úılesimdi tolyqtyrýda. Halyqaralyq tájirıbe kórsetkendeı, kúshti saıası ortalyq pen  lıberaldy qalanyń kelisimi memlekettiń turakqty damýyna  yqpal etedi», - dep atap ótildi Almaty ákimdiginde, sonymen qatar Memleket  basshysynyń «Astananyń taǵdyry – eki ǵasyrdy artqa tastaǵan barsha qazaqstandyqtardyń  taǵdyry. Bul zamanaýı memleketke  aınalǵan, jahandyq qoǵamdastyq tanyǵan jáne qurmettegen, Uly joldan ótken  táýelsiz Qazaqstannyń taǵdyry» degen sózderi eske túsirildi.

Nomınanttardy irikteý  konkýrstyq komısıanyń astana.ardaq.kz saıtynda ashyq daýys berýleri  arqyly 9 jeltoqsanda Astana  ýaqytymen 00:00 saǵatta aıaqtalady.

Eske salsaq, keler jyl Qazaqstan astanasy úshin mereıli jyl. Almatyda Astananyń 20 jyldyǵyn merekeleýge arnalǵan birqatar aýqymdy mádenı sharalar-konsertter, festıválder, kórmeler ótkizý  josparlanǵan.